ڪراچي (ويب ڊيسڪ) پير پاڳاري جي قيادت ۾ اهم اجلاس ۾ سنڌ جي اڳوڻي وڏي وزير ارباب غلام رحيم ۽ اڳوڻي ايم اين اي راحيله مگسي جي ڊي اي ۾ شموليت جو اعلان ڪري ڇڏيو.
گرينڊ ڊيموڪريٽڪ الائنس جو اهم اجلاس ڪراچي ۾ پير پاڳاري جي صدارت هيٺ ٿيو، جنهن ۾ ارباب غلام رحيم ۽ راحيله مگسي باضابطا طور جي ڊي اي ۾ شموليت جو اعلان ڪيو.
پڌرائيءَ موجب اجلاس ۾ ٻه ڪميٽيون جوڙيون ويون، هڪ ڪميٽي مختلف سياسي شخصيتن سان ملاقات ۾ جي ڊي اي ۾ شموليت جي دعوت ڏيندي، جڏهن ته ٻي ڪميٽي هم خيال جماعتن سان مشاورت ۽ اڳتي جي حڪمت عملي تيار ڪندي.
پڌرائيءَ موجب پير پاڳاري چيو ته سنڌ جي عوام کي ڪرپٽ مافيا جي چنبي مان ڪڍڻ لاءِ جي ڊي اي ڪردار ادا ڪندي.
