دبئي (ويب ڊيسڪ) آءِ سي سي انڊر 19 ڪرڪيٽ ورلڊ ڪپ 2024 جو شيڊيول جاري ڪيو ويو.
انڊر 19 ڪرڪيٽ ورلڊ ڪپ 19 جنوري کان 11 فيبروري تائين ڏکڻ آفريڪا ۾ کيڏيو ويندو، ايونٽ ۾ ڪل 16 ٽيمون حصو وٺنديون، ٽيمن کي چئن گروپن ۾ ورهايو ويو آهي.
گروپ اي ۾ ڀارت، بنگلاديش، آئرلينڊ ۽ آمريڪا جڏهن ته گروپ بي ۾ انگلينڊ، ڏکڻ آفريڪا، ويسٽ انڊيز ۽ اسڪاٽ لينڊ جون ٽيمون شامل آهن.
گروپ سي ۾ آسٽريليا، سريلنڪا، زمبابوي ۽ نميبيا جڏهن ته گروپ ڊي ۾ پاڪستان، افغانستان، نيوزيلينڊ ۽ نيپال شامل آهن، پاڪستان ايونٽ ۾ پنهنجي پهرين ميچ 20 جنوري تي افغانستان سان کيڏندو.
پاڪستان انڊر 19 ٽيم 24 جنوري تي نيپال ۽ 27 جنوري تي نيوزيلينڊ خلاف کيڏندي، ايونٽ جو فائنل 11 فيبروري تي کيڏيو ويندو.
