سياري جي سوکڙي گجرن جي حلوي جا فائدا

سياري جي موسم ۾ گھڻا ماڻهو گجرن جو حلوو کائڻ پسند ڪندا آهن.

گھڻيون دعوتون ان کانسواءِ اڻپوريون سمجهيون وينديون آهن.

سياري جي موسم ۾ ان سوغات جي تياري لاءِ گجرن سان گڏوگڏ کنڊ،کير،کويا ۽ خشڪ ميون جو استعمال ٿيندو آهي.

پر ڇا ان کي کائڻ سان صحت کي ڪو فائدو ٿيندو آهي؟

ان جو جواب سادو ناهي پر ان جو دارومدار ان ڳالهه تي هوندو آهي ته اوهان گجرن جو حلوو ڪيترو کائيندا آهيو.

کنڊ ۽ سڻڀ جي ڪري گجرن جو حلوو روز کائڻ جي عادت ته نقصانڪار ثابت ٿي سگھي ٿي.

پر هفتي ۾ هڪ يا ٻه ڀيرا مناسب مقدار ۾ ان کي کائڻ سان صحت کي فائدو ٿيندو آهي.

ان جا ڪجهه فائدا هيٺ بيان ڪجن ٿا.

ان حلوي جو بنيادي جز گجر آهي گڏهن ئي ان کي گجرن جو حلوو چيو ويندو آهي.

گجرن ۾ بيٽا ڪيروٽين جو مقدار تمام گھڻو هوندو آهي جيڪو جسم ۾ وڃي وٽامن اي جي شڪل اختيار ڪري وٺندوآهي.

اکين جي نور لاءِ اها وٽامن گھڻي اهم هوندي آهي ۽ اهو ئي سبب آهي جو گجرن جو حلوو کائڻ سان اکين جي نظر کي بهتر بڻائڻ ۾ مدد ملي سگھي ٿي.

گجر سياري جي موسم جي ڀاڄي آهي ۽ ان کي کائڻ سان ٿڌي موسم ۾ مدافعتي نظام کي مضبوط بڻائڻ ۾ مدد ملندي آهي.

ان ۾ موجود وٽامن سي مدافعتي نظام کي مضبوط بڻائيندي آهي جنهن سان موسمي بيمارين کان تحفظ ملندو آهي.

ان سان گڏوگڏ گجر جي حلويي ۾ موجود خشڪ ميوا ۽ گيهه سان به مدافعتي نظام کي فائدو ٿيندو آهي.

ان حلوي ۾ گجرن سان گڏ کير،گيهه ۽ خسڪ ميون جهڙا جُز موجود هوندا آهن.

اهو سڀ صحت لاءِ فائديمند آهن ۽ انهن سان جسم کي صحت لاءِ فائديمند جُز ملندا آهن، مثال طور کير ۾ پروٽين،وٽامنز،ڪيلشيم ۽ ميگنيشيم جهڙا جُز هوندا آهن.

خشڪ ميون ۾ اينٽي آڪسائيڊنٽس،پروٽين ۽ صحت لاءِ فائديمند سڻڀ هوندو آهي.

گجر ۾ وٽامن اي، سي ۽ ڪي سان گڏوگڏ فائبر به هوندو آهي جنهن سان هاضمي جو مظام به بهتر ٿيندو آهي.

گجر ۾ موجود وٽامن اي ۽ سي جي ڪري ان حلوي کي کائڻ سان کُل جي صحت کي به فائدو ٿيندو آهي.

ان سان گڏوگڏ کير ۾ موجود ڪيلشيم سان هڏن جي صحت کي فائدو ٿيندو آهي ۽ هڏا مضبوط بڻائڻ ۾ مدد ملندي آهي.

ان حلوي کي ڪجهه ماڻهو گرم کائڻ پسند ڪندا اهن جڏهن ته ڪجهه ٿڌي حلوي جا شوقين هوندا آهن.

اوهان جي پسند جيڪا به هجي پر ان کي کائڻ سان سياري جي موسم جي ٿڌ کان به ڪنهن حد تائين تحفظ ملندو آهي.

ماهرن موجب ان حلوي ۾ موجود گيهه اهڙو سپر فوڊ آهي جيڪو جسم کي گرم رکڻ ۾ مدد فراهم ڪندو آهي ۽ سيءَ جو احساس گھٽ ٿيندوآهي.

نوٽ:اهو مضمون طبي رسالن ۾ ڇپيل تفصيلن تي ٻڌل آهي، ان حوالي سان ڊاڪٽر سان به مشورو ڪريو.