اسلام آباد (ويب ڊيسڪ ) وفاقي ڪابينا جي ماتحت ڪميٽي القادر ٽرسٽ ڪيس ۾ عمران خان سميت سندس 29 ڄڻن جا نالا اي سي ايل ۾ وجهن جي سفارش ڪري ڇڏي.
وفاقي ڪابينا جي ماتحت اي سي ايل ڪميٽي جو اجلاس ٿيو جنهن ۾ نگران گهرو وزير سرفراز بگٽي، مواصلات واري نگران وزير شاهد اشرف سميت گهرو وزارت ۽ ٻين ادارن جي آفيسرن شرڪت ڪئي جڏهن ته اجلاس ۾ اي سي ايل بابت مختلف قسم جي ڪيسن جو جائزو ورتو ويو.
وفاقی کابینہ کی ذیلی کمیٹی برائے ای سی ایل کا اجلاس، وزیر داخلہ سرفراز احمد بگٹی اور وزیر مواصلات و ریلویز شاہداشرف تارڑ کی اجلاس میں شرکت، اجلاس میں وزارت داخلہ اور دیگر اداروں کے افسران کی بھی شرکت،اجلاس میں ای سی ایل سے متعلق مختلف نوعیت کے کیسز کا جائزہ لیا گیا. pic.twitter.com/uMXL8NfEbr
— Ministry of Interior GoP (@MOIofficialGoP) November 22, 2023
ڪميٽي 41 ماڻهن جا نالا اي سي ايل ۾ وجهڻ جي سفارش ڪئي جنهن ۾ نيب جي سفارش تي القادر ٽرسٽ ڪيس ۾ پي ٽي آءِ چيئرمين سميت 29 ڄڻن جا نالا اي سي ايل ۾ وجهڻ جي سفارش ڪئي وئي.
عداليا جي هدايتن تي 7 ماڻهن جا نالا اي سي ايل مان ڪڍڻ جي سفارش ڪئي وئي، نظرثاني لاءِ پيش ڪيل اپيلن مان 3 ڄڻن جا نالا اي سي ايل مان ڪڍڻ جي سفارش ڪئي وئي.
ڪميٽي جون سفارشون حتمي منظوري لاءِ نگران وفاقي ڪابينا ڏانهن اُماڻيون وينديون .
ذريعن جو چوڻ آهي ته ڪميٽي شهزاد اڪبر، ذلفي بخاري، فرح گوگي ۽ پراپرٽي ٽائيڪون جو نالو به اي سي ايل ۾ وجهڻ جي سفارش ڪئي آهي.
