دبئي ( ويب ڊيسڪ ) انٽرنيشنل ڪرڪيٽ ڪائونسل ( آءِ سي سي ) طرفان ورلڊ ڪپ جي ٽيم آف دي ٽورنامينٽ جو اعلان ڪيو ويو جنهن ۾ فائنل کيڏندڙ ڀارتي ٽيم جا 6، ورلڊ چيمپيئن آسٽريليا جا 2 رانديگر چونڊيا ويا آهن.
پرڏيهي خابرو اداري موجب، ٽيم آف دي ٽورنامينٽ ۾ سڀ کان وڌيڪ رنسون ٺاهيندڙ پليئر آف دي ٽورنامينٽ ويرات ڪوهلي، روهت شرما (ڪپتان)، ڪي ايل راهول، رويندرا جاڙيجا، جسپريت بُمرا ۽ سڀ کان وڌيڪ وڪيٽون وٺندڙ محمد شامي ٽيم ۾ شامل آهن.
🇮🇳 x 6
🇦🇺 x 2
🇳🇿 🇿🇦 🇱🇰 x 1Presenting the #CWC23 Team of the Tournament 👉 https://t.co/wgt51aC4CA pic.twitter.com/X6PJVNZHdq
— ICC (@ICC) November 20, 2023
ان کانسواءِ آل رائونڊر گلين ميڪسويل ۽ اسپنر ايڊم زمپا به ٽيم آف دي ٽورنامنيٽ جو حصو آهن.
ٽيم آف دي ٽورنامينٽ ۾ ڏکڻ آفريڪي اوپنر ڪوئنٽن ڊي ڪاڪ (وڪيٽ ڪيپر)، نيوزيلينڊ جو ڊيرل مچل، دلشان مڌوشانڪا شامل آهن جڏهن ته ڏکڻ آفريڪي فاسٽ بالر جيرالڊ ڪوئٽز ٻارهون رانديگر آهي.
