ڪراچي (ويب ڊيسڪ) ڪسٽم انٽيليجنس سائيٽ جي علائقي ۾ ڇاپو هڻي سمگلڊ آٽو پارٽس جي کيپ پڪڙي ورتي، ضبط پارٽس جي ماليت ڏيڍ ارب رپيا آهي.
ڊائريڪٽر ڪسٽم انٽيليجنس حبيب احمد وڙائچ ٽيم سان گڏ پريس ڪانفرنس ڪندي چيو ته ڪراچي ۾ سمگلڊ آٽو پارٽس جي کيپ پڪتي آهي، ضبط پارٽس جي ماليت ڏيڍ ارب رپيا آهي.
هن ٻڌايو ته ڇاپو سائيٽ جي علائقي ۾ هنيو ويو، 3 مهينن ۾ ڪسٽمز ڪراچي 4 ارب رپين جون سمگل ٿيل شيون ضبط ڪيون آهن، آٽو پارٽس سمگلنگ جي ڪيس ۾ مني لانڊرنگ جو شڪ آهي.
