نئين دهلي ( ويب ڊيسڪ ) ڀارت ۾ سموگ سبب بگڙجندڙ صورتحال ڪرڪيٽ ورلڊ ڪپ کيڏڻ لاءِ آيل انٽرنيشنل رانديگرن لاءِ به مسئلا پيدا ڪري ڇڏيا.
سموگ سبب رانديگر صحت لاءِ هاڃيڪار هوا ۾ ساهه کڻڻ تي مجبور آهن.
ٻئي پاسي هوا ۾ گدلاڻ جي نگراني ڪندڙ ڪمپني آءِ ڪيو ايئر طرفان جاري ڪيل انگن اکرن ڀارت جي جن وڏن شهرن ۾ ڪرڪيٽ ورلڊ ڪپ جون ميچون ٿي رهيون آهن انهن مان ڪٿي هوا صحت لاءِ هاڃيڪار آهي ته ڪٿي انتهائي هاڃيڪار آهي.
نئين دهلي، ممبئي ۽ ڪولڪتا جهڙا شهر فضائي گدلاڻ ۾دنيا جي ڏهن وڏن شهرن ۾ شامل آهن.
سومر واري ڏينهن دهليءَ ۾ ميچ کان اڳ بنگلاديش ۽ سريلنڪن ڪرڪيٽ ٽيم جا ڊاڪٽرن جي مشورو تي پريڪٽس سيشن رد ڪيا ويا، ڪجهه رانديگرن کي ساهه کڻڻ ۾ تڪليف جي شڪايت تي هوٽل منتقل ڪيو ويو.
آءِ ڪيو ايئر گذريل هفتي نئين دهلي کي دنيا جو سڀ کان گدلي ترين شهر قرار ڏنو هو.
