سکر (ويب ڊيسڪ) اليڪشن ڪميشن سکر ڊويزن جي 12 خالي ٿيل سيٽن تي ضمني چونڊ لاءِ سموريون تياريون مڪمل ڪري ورتيون آهن.
سکر ڊويزن جي 12 خالي ٿيل سيٽن مان 6 تي پولنگ ٿيندي، ڇو ته 6 سيٽن تي پ پ جا اميدوار بنا مقابلي ڪامياب ٿي ويا.
ڪامياب اميدوارن ۾ پ پ جا 5 ۽ هڪ آزاد اميدوار شامل آهي، ٽائون ڪاميٽي نثار صديقي جي يو سي بادل فقير جي چيئرمين ۽ وائيس چيئرمين شپ لاءِ پولنگٿيندي.
چيئرمين شپ لاءِ ڊپٽي ميئر ڊاڪٽر ارشد مغل پنهنجي ڊپٽي ميئر جي سيٽ برقرار رکڻ لاءِ چيئرمين شپ جو اميدوار آهي.
گهوٽڪي ضلعي جي يوسي 1 جي جنرل وارڊ هڪ ۾ ڪائونسلر جي چونڊ لاءِ ووٽنگ ٿيندي، خيرپور ضلعي جي يو سي گمبٽ جي جنرل وارڊ 6 جي ميمبرن جي پولنگ ٿيندي، يو سي 7 مان رئيس حسين بخش دستي تان ضلعي ڪائونسل ميمبر جي چونڊ ٿيندي، خيرپور ايم سي جي وارڊ نمبر 9 تي جنرل ميمبر لاءِ ووٽ ڪاسٽ ڪيا ويندا.
ان کان علاوه خيرپور ضلعي جي ٽائون ڪميٽي پڪاچانگ جي وارڊ 2 تي جنرل ميمبر جي چونڊ ٿيندي، سکر ضلعي ۾ 4 پولنگ اسٽيشنون، گهوٽڪي ۾ 3 پولنگ اسٽيشنون ۽ خيرپور ضلعي ۾ 12 پولنگ اسٽيشنون قائم ڪيون وينديون.
