ڪراچي (ويب ڊيسڪ) ناليواري اداڪارا ارمينا خان اڳوڻي ڪرڪيٽر وسيم اڪرم جي گهرواري شنيرا جي تازي بيان تي کيس تنقيد جو نشانو بڻايو آهي.
شنيرا اڪرم ايڪس تي پنهنجي پوسٽ ۾ لکيو هو ته مان پاڻ کي تمام گهڻي بي وس محسوس ڪري رهي آهيان، مان ڪڏهن به پنهنجي خيالن ۽ احساسن کي بيان ڪرڻ ۾ خوف محسوس ناهي ڪيو پر اڄ مان تمام گهڻي جذباتي ٿي رهي آهيان.
سندس چوڻ هو ته حقيقت ۾ مون وٽ چوڻ لاءِ لفظ ئي ناهن بچيا ۽ جيڪڏهن ان سان ڪنهن جي دل آزاري ٿي هجي ته مان معذرت ڪيان ٿي.
وسيم اڪرم جي گهرواري پوسٽ ۾ واضح نه ڪيو ته هوءَ ڪهڙي مسئلي تي ڳالهائي رهي آهي پر ان پوسٽ کانپوءِ ارمينا خان کيس تنقيد جو نشانو بڻايو آهي.
ارمينا خان، شنيرا اڪرم جي پوسٽ کي ري ٽوئيٽ ڪندي چيو ته جڏهن پاڪستان جي ڪنهن مسئلي جي ڳالهه اچي ته ان وقت توهان وٽ چوڻ لاءِ گهڻو ڪجهه هوندو آهي.
You have plenty of words to give when it’s Pakistan. Either talk about Palestine openly or keep your dramatics to yourself. https://t.co/ZaXDdhCeQl
— Armeena ✨ (@ArmeenaRK) November 2, 2023
هن شنيرا کي مشورو ڏيندي چيو ته جيڪڏهن توهان کي فلسطين بابت ڳالهائڻو آهي ته کليل نموني ڳالهايو يا پنهنجون ڊرامائي ڳالهيون پاڻ وٽ رکو.