جتي صحتمند جسم لاءِ صحتمند خوراڪ اهم آهي اتي صحتمند طرز زندگي به لازمي تصور ڪئي ويندي آهي.
صحتمند طرز زندگي ۾ نه رڳو عادتون پر خورڪ جو به واضح ڪردار هوندو آهي، وزن کي متوازن رکڻ ۾ صحتمند طرز زندگي گھڻي اهم آهي.
وزن گهٽائڻ جا خواهشمند ماڻهو ان مقصد لاءِ هر ممڪن ڪوشش ڪندا اهن، ٿوم کي پنهنجي غذا جو حصو بڻائڻ ان مقصد لاءِ بهترين آهي.
ٿوم ۾ وزن گھٽائڻ جون حيران ڪندڙ خاصيتون آهن، اها وٽامن بي 6 ۽ سي، فائبر، مينگنيز، ڪيلشيم جهڙين مختلف وٽامنز سان ڀرپور آهي.
ٿوم کي ماکي سان گڏ کائڻ واڌو وزن کي تيزي سان گھٽائي سگھي ٿو، طبي ماهرن موجب ٿوم ۽ ماکي جو اهو ميلاپ انساني صحت کي غذائيت به بخشيندو.
ڪچي ٿوم ۽ ماکي جا فائدا
ماکي سان گڏ ٿوم جو استعمال هڪ طاقتور ٽانڪ جي حيثيت رکي ٿو، اهو انساني جسم کي ڊيٽاڪس بهڪندو آهي.
ٿوم هاضمي جي نظام ۽ ميٽابولزم کي هٿي ڏيندي وزن کي گهٽائيندي آهي جڏهن ته ماکي بک جي احساس ۾ گھٽتائي ڪندي آهي.
اهو طاقتور ٽانڪ ڪيئن تيار ڪجي؟
وچولي جار کي خالص ماکي سان ڀري ڇڏيو، ان ۾ ٿوم جي ڇليل ڳڙين کي شامل ڪري ان کي مهيني تائين هوادار جاءِ تي رکي ڇڏيو.
هڪ مهيني کان پوءِ ان کي استعمال ڪريو، ان عمل سان ٿوم ۽ ماکي جا غذائي جُز ضم ٿي ويندا.
اهو ٽانڪ ڪڏهن ۽ ڪيئن استعمال ڪجي؟
صبح جو نيراني خالي پيٽ ان کي کائڻ سان اوهان کي نمايان فائدا حاصل ٿيندا، جار مان هڪ ڳڙي ٿوم جي ڪڍي ان کي ڇٿي کائو ۽ پاڻي پي ڇڏيو.
