ڪراچي (ويب ڊيسڪ) ملڪ ۾ غير قانوني طور رهندڙ پرڏيهين کي ڪڍڻ لاءِ سڄي ملڪ ۾ ڪريڪ ڊائون جاري آهي.
پاڪستان جي سڀ کان وڏي شهر ڪراچي جي علائقي سهراب ڳوٺ ۾ غير قانوني طور رهندڙ پرڏيهين خلاف پوليس آپريشن ڪيو، جنهن دوران 25 ڄڻن کي حراست ۾ ورتو ويو.
پوليس اختيارين جو چوڻ آهي ته حراست ۾ ورتل ماڻهن کي هولڊنگ سينٽر منتقل ڪيو ويندو.
هوڏانهن ايس ايس پي ايسٽ ڪراچي عرفان بهادر چيو ته غير قانونين خلاف ڪريڪ ڊائون جاري آهي، سپر هاءِ وي گنا منڊي ۾ به گذريل رات غير قانوني پرڏيهين جي ڳولا لاءِ آپريشن ڪيو ويو.
هن ٻڌايو ته گذريل رات کان جاري ڪارروائي ۾ هيل تائين 77 پرڏيهين کي حراست ۾ ورتو ويو آهي، حراست هيٺ پرڏيهين کي حاجي ڪئمپ ۾ سهولت مرڪز منتقل ڪيو ويندو.
سندس چوڻ هو ته پرڏيهين کي بسن ذريعي چمن بارڊر کان روانو ڪيو ويندو، سڀني غير قانوني پرڏيهين کي ڪڍڻ تائين آپريشن جاري رهندو.
