ڪراچي (ويب ڊيسڪ) پ پ چيئرمين بلاول ڀٽو زرداري چيو آهي ته اليڪشن جو چنڊ سڀني کي مبارڪ هجي، عام چونڊن جو اعلان وڏي ڪاميابي آهي.
ڪراچي ۾ صحافين سان ڳالهائيندي بلاول ڀٽو زرداري چيو ته 8 فيبروري تي چونڊون ٿيڻ گهرجن، بهتر هو ته سپريم ڪورٽ کي مداخلت نه ڪرڻي پئي ها، ڪا هڪ اليڪشن ٻڌايو، جنهن ۾ پ پ کي ليول پليئنگ فيلڊ ملي هجي.
هن چيو ته اصولي طور تي هر سياسي جماعت کي ليول پليئنگ فيلڊ ملڻ گهرجي، ايندڙ حڪومت پ پ ٺاهيندي، پ پ پي ٽي آءِ سان اتحاد جو فيصلو ناهي ڪيو، ميثاق جمهوريت لاءِ سڀني جماعتن کي ڪردار ادا ڪرڻ گهرجي.
سندس چوڻ هو ته اسرائيل فلسطين ۾ نسل ڪشي رهيو آهي، اسان فلسطينين جي نسل ڪشي سوشل ميڊيا تي ڏسي رهيا آهيون، دنيا جا حڪمران خاموش ضرور آهن پر عوام چپ ناهي.
