پشاور (ويب ڊيسڪ) خيبرپختونخوا جي ضلعي ڪرم ۾ گذريل 6 ڏينهن کان جاري قبيلائي جهيڙي ۾ هيل تائين 20 ڄڻا مارجي چڪا آهن جڏهن ته 41 زخمي ٿي چڪا آهن.
ڪرم ۾ مختلف ماڳن تي قبيلن وچ ۾ چڪريون جاري آهن جن ۾ وڌيڪ هڪ شخص مارجي ويو ۽ 3 ڄڻا زخمي ٿي پيا.
پوليس موجب جهيڙي دوران راڪيٽ ۽ مشين گن سميت ٻين خطرناڪ هٿيارن جو استعمال ڪيو پيو وڃي.
ڇڪتاڻ سبب ضلعي ڪرم ۾ اچ وڃ جا رستا ۽ انٽرنيٽ سروس بند آهي ۽ کاڌ خوراڪ جي شين جي کوٽ ٿي پئي آهي.
تعليمي ادارا ۽ ڪاروباري سرگرميون به معطل ٿي ويون آهن.
پوليس جهيڙو ٽارڻ لاءِ ڪوششون ڪري رهي آهي.
