اسلام آباد (ويب ڊيسڪ) ايف آءِ اي اينٽي مني لانڊرنگ سرڪل اڳوڻي آرمي چيف قمر جاويد باوجوا جي سنڍو صابر مٺو خلاف انڪوائري شروع ڪري ڇڏي ۽ کيس 23 آڪٽوبر تي طلب ڪيو ويو آهي.
صابر حميد کي اڪائونٽس ۾ شڪي ۽ وڏي پيماني تي ٿيل ٽرانزيڪشن تي طلب ڪيو ويو آهي ۽ کيس 23 آڪٽوبر تي 11 وڳي پيش ٿيڻ جي هدايت ڪئي وئي آهي.
ايف آءِ اي موجب صابر حميد جي 19 اڪائونٽس جو انڪشاف ٿيو آهي، جن مان 14 پاڪستاني ۽ 5 فارن اڪائونٽس شامل آهن، صابر حميد جي 19 اڪائونٽس ۾ 5.14 بلين جي ٽرانزيڪشن ڪئي وئي.
ايف آءِ اي بينڪ اڪائونٽس ۽ پرڏيهه دورن جو به رڪارڊ طلب ڪري ورتو آهي، صابر حميد کي ذاتي، زال ۽ ٻارن جي نالي تي پاڪستان ۽ پرڏيهه ۾ خريد ڪيل غير ملڪي ڪرنسي جو رڪارڊ گڏ آڻڻ جي به هدايت ڪئي وئي آهي.
جاري ڪيل خط ۾ چيو ويو آهي ته پاڪستان ۾ پرڏيههه آف شور ڪمپنين جو به رڪارڊ فراهم ڪيو وڃي، ذاتي حيثيت ۾ پيش نه ٿيڻ تي قانوني ڪارروائي عمل ۾ آندي ويندي.
