واشنگٽن ڊي سي (ويب ڊيسڪ) آمريڪي صدر جو بائيدن اسرائيل دوري جي تصديق ڪري ڇڏي.
ايڪس (ٽوئيٽر) تي جاري ڪيل بيان ۾ جو بائيڊن چيو ته حماس جي دهشتگرد حملي جي خلاف يڪجهتي جي اظهار لاءِ اسرائيل ويندس ۽ اسرائيل جي دوري کان پوءِ اردن جو سفر ڪندس جيڪو سنگين انساني ضرورت کي منهن ڏيڻ ۽ اڳواڻن سان ملاقاتن لاءِ هوندو.
آمريڪي صدر چيو ته حماس فلسطينين جي خود اراديت جي حق لاءِ نه بيٺي، ڪجهه بنيادي قدر آهن جيڪي اسان کي آمريڪين جي طور تي گڏ ڪرڻ گھرجي، انهن بنيادي قدرن ۾ نفرت، نسل پرستي، تعصب ۽ تشدد جي خلاف بيهڻو آهي.
On Wednesday, I’ll travel to Israel to stand in solidarity in the face of Hamas’s brutal terrorist attack.
I’ll then travel to Jordan to address dire humanitarian needs, meet with leaders, and make clear that Hamas does not stand for Palestinians’ right to self-determination.
— President Biden (@POTUS) October 17, 2023
سندس چوڻ هو ته نفرت جون ڪارروايون اسان جي بنيادي قدرن جي خلاف بيٺل آهن ۽ آمريڪا ۾ نفرتن لاءِ ڪا به جاءِ نهاهي.