ڪراچي ۾ دل جي بيمارين جي عالمي ڏينهن تي آگاهي ڪانفرنس ڪوٺائي وئي.
ڪراچي پريس ڪلب ۾ ڪوٺايل ڪانفرنس ۾ دل جي مرض جي ماهر ڊاڪٽرن شرڪت ڪئي.
ان موقعي تي دل جي مرضن جي ماهر ڊاڪٽر پروفيسر ڊاڪٽر محمد اسحاق، پروفيسر محمد نواز لاشاري، ڊاڪٽر خالدہ سومرو ۽ ٻين ڪانفرنس کي خطاب ڪندي چيو ته دل جي بيمارين سبب ڏينهون ڏينهن ماڻهن جي مرڻ جو انگ وڌندو پيو وڃي، پاڪستان ۾ ساليانو 5 لک ماڻهو فوت ٿين ٿا.
هنن چيو ته پاڪستان ۾ 46 سيڪڙو ماڻهو بلڊ پريشر جو شڪار آهن، ننڍي عمر ۾ ٻار منشيات واپرائن ٿا جنهن سبب هو ويهن کان 25 سالن جي عمر تائين دل جي مرضن جو شڪار ٿي وڃن ٿا،تعليم جي فقدان سبب بيمارين جنم ورتو آهي.
