اسلام آباد (ويب ڊيسڪ) پاڪستان ۾ موسمياتي تبديلي سبب موسم جي پيٽرن ۾ تبديلي آئي آهي.
موسميات کاتي جو چوڻ آهي ته ملڪ ۾ اڃا برساتن جو هڪ اسپيل ايندو، جنهن کانپوءِ ٿڌ جي باقاعدي طور شروعات ٿي ويندي.
اسلام آباد جي موسم تبديل ٿي رهي آهي، ڏينهن ۽ رات جو گرمي پد ۾ وڏو فرق محسوس ڪري سگهجي ٿو، موسمياتي ماهرن جو چوڻ آهي ته سياري جي منڍ ۾ برساتن جو هڪ اسپيل اچڻو آهي.
ان اسپيل کانپوءِ هڪ ٻئي اسپيل جو به امڪان آهي، جنهن سان گرمي پد ۾ وڏي تبديلي ايندي، ڊراءِ اسپيل کانپوءِ ڪوهيڙي جي سيزن شروع ٿيندي.
موسميات کاتي موجب برساتن باوجود گرمي پد ۾ فوري طور گهٽتائي جو امڪان ناهي.
هن وقت اسلام آباد جو گهٽ کان گهٽ گرمي پد 21 ڊگري سينٽي گريڊ تائين هلي رهيو آهي، جڏهن ته ايندڙ ڏينهن ۾ ٻه کان ٽي گريڊ گهٽجڻ جو امڪان آهي.
موسميات کاتي جو چوڻ آهي ته ايندڙ ڪجهه ڏينهن دوران گرمي پد وچولو رهندو، جڏهن ته رات جو گرمي پد گهٽجي ويندو.
