ڪراچي ( ويب ڊيسڪ ) قومي ڪرڪيٽر شاهين آفريدي ۽ اڳوڻي ڪپتان شاهد آفريدي جي نياڻي انشاءَ جي شادي جي تاري سامهون اچڻ کانپوءِ سوشل ميڊيا تي سندن شادي جو ڪارڊ به وائرل ٿي رهيو آهي.
گذريل ڏينهن شاهين آفريدي ۽ انشاءَ آفريدي جي شادي جي تاريخ سامهون آئي هئي، جڏهن ته هاڻي ٻنهي جي شادي جو ڪارڊ سوشل ميڊيا تي وائرل ٿي رهيو آهي جنهن ۾ شادي جي تاريخ ۽ هنڌ به لکيل آهي.
پاڪستان ۽ سريلنڪا جاري ايشيا ڪپ 17 سپٽيمبر تي مڪمل ٿي ويندو، ذريعن موجب، شاهين ۽ انشاءَ جي شادي 19 سپٽيمبر تي جڏهن ته 21 سپٽيمبر تي اسلام آباد ۾ وليمو ٿيندو.
ٻئي پاسي شادي جي حتمي تاريخ جي حوالي سان شاهد آفريدي طرفان باظابطا اعلان سامهون نه آيو آهي.
ياد رهي ته شاهين شاهه ۽ انشاءَ آفريدي جو هلندڙ سال فيبروريءَ جي شروعات ۾ ڪراچي ۾ نڪاح ٿيو هو جنهن ۾ مشهور ڪرڪيٽرن سميت ويجهن مٽن مائٽن شرڪت ڪئي هئي.
