لاهور (ويب ڊيسڪ) لاهور ۾ پوليس ڀارتي اداڪار سنجي دت مان متاثر ٿي موٽر سائيڪلون چوري ڪندڙ زوهيب عرف سنجي دت کي گرفتار ڪري ورتو.
پوليس جوابدارن جي حوالي سان ٻڌايو ته جوابدار سنجي دت بڻجي پاڻ ۾ شرط هڻي موٽر سائيڪلون چوري ڪندا هئا، جوابدارن کي سي سي ٽي وي فوٽيجز جي مدد سان گرفتار ڪيو ويو.
سي سي ٽي وي فوٽيجز ۾ جوابدارن کي موٽر سائيڪل چوري ڪندي ڏسي سگهجي ٿو، پوليس موجب جوابدارن هيل تائين شرطون لڳائي 5 کان وڌيڪ موٽر سائيڪلون چوري ڪيون آهن.
جوابدار زوهيب اعتراف ڪيو ته هو پاڻ کي لاهوري سنجي دت سڏرائيندو آهي، جوابدارن زوهيب ۽ عامر وٽان 5 چوري ٿيل موٽر سائيڪلون ۽ پسٽل برآمد ڪري ڪيس داخل ڪيو ويو آهي.
