اسلام آباد (ويب ڊيسڪ) جماعت اسلامي جي سينيٽر مشتاق احمد خان چيو آهي ته عوام کي تڪليف ۾ به آءِ ايم ايف جي خوف کان رليف نه ڏيڻ بدترين غلامي آهي.
ٽوئيٽر تي جاري ڪيل بيان ۾ مشتاق احمد خان چيو ته بجلي جا ڳرا بل نامنظور، آءِ ايم ايف جي غلامي نامنظور، نگران وفاقي حڪومت تسليم ڪري ورتو ته بجلي بلن ۾ رليف نه ڏينداسين.
هن چيو ته بجلي جا بل سيپٽمبر ۾ مهيني ۾ اڃا وڌي ويندا، عوام کي تڪليف ۾ به آءِ ايم ايف جي خوف کان رليف نه ڏيڻ بدترين غلامي آهي، ثابت ٿي ويو ته ملڪي خود مختياري آءِ ايم ايف وٽ آهي.
سندس چوڻ هو ته هن ملڪ ۾ عملي طور معيشت آءِ ايم ايف هلائي رهيو آهي، عوام عالمي طاقتن جي بدترين غلامي جو احساس ڪري، ادارن کي غلامي ۾ ڏيڻ جون ذميوار اڳوڻيون سڀئي حڪومتون آهن.
