ڪراچي (ويب ڊيسڪ) ڪنوار جي ميڪ اپ تي ڳري رقم خر ٿيندي آهي پر جيڪڏهن گھر ۾ ئي انتهائي سولائي سان گھٽ خرچ فيس ماسڪ تيار ٿي وڃي ته سٺو آهي.
شادي هر ڇوڪي جي لاءِ خاص ڏينهن هوندو آهي جنهن ۾ هوءَ خوبصورت نظر اچڻ لاءِ ڪيترائي جتن ڪندي آهي ۽ ان لاءِ هزارين ۽ ڪٿي ڪٿي ته لکين رپيا خرچ ڪيا ويندا آهن ۽ ڪنوار ڪيترن ئي ڏينهن تائين بيوٽي پارلرز جا چڪر لڳائينديون آهن. ميڪ کان اڳ چهري جي جلد کي نرم ۽ چمڪندڙ بڻائڻ لاءِ ڪيترائي مهانگا فيس ماسڪ استعمال ڪرايا ويندا آهن.
ڊاڪٽر ام راحيل نالي ماهر خانگي ٽي وي چينل جي شو ۾ پاڪستان ۾ گھر ۾ ڪنوار جو فيس ماسڪ بڻائڻ جو اهڙو سولو طريقو ٻڌايو آهي جيڪو گھٽ خرچ پر نتيجي ۾ بهترين آهي گھر ۾ اهو فيس ماسڪ بڻائڻ جو هڪ فائدو اهو به آهي جو ڪنوار جي جلد موجب ان ۾ جُزا گھٽائي سگھجن ٿا.
ڪنوار ماسڪ لاءِ گھربل جُز:
ايلوويرا جيل—-هڪ ٽيبل اسپون
تازو يا خشڪ کير——ٻه ٽيبل اسپون
گليسرين——–هڪ ٽيبل اسپون
اخروٽ ۽ بادام جو مڪسچر—–هڪ ٽيبل اسپون
اڇي صندل جو پائوڊر——هڪ ٽيبل اسپون
پيٺل هيڊ————-اڌ چانهه جو چمچو
بيڪنگ پائوڊر—–چمچي جو چوٿون حصو
ماسڪ بڻائڻ جو طريقو:
سمورا خشڪ جُز سٺي طرح مڪس ڪري جار ۾ رکي ڇڏيو جڏهن استعمال ڪرڻو هجي ته ايلوويرا جيل، گليسرين ۽ کير شامل ڪري مالش ڪريو جلد چمڪندڙ ۽ نرم ٿي ويندي.
ان فيس ماسڪ جي خاص ڳالهه اها آهي ته اهو رڳو ڪنوار يا عورت لاءِ ناهي اهو ڇوڪري ۽ گھوٽ لاءِ به استعمال ڪري پنهنجي چهري جي رونق وڌائي سگھو ٿا.
