چيٽ جي پي ٽي اچڻ سان ڪيترائي ڪم سولا ٿي ويا آهن.
ڪيترائي ماڻهو آهن جيڪي ان کي ذاتي ڪم لاءِ استعمال ڪندا آهن پر ڪجهه ماڻهو هن ٽول ذريعي پنهنجو ڪم سولو بڻائي رهيا آهن.
جيڪڏهن اوهان چيٽ جي پي ٽي ذريعي پيسا ڪمائڻ چاهيو ٿا ته اهو ممڪن آهي.
چيٽ جي پي ٽي جي مدد سان اوهان ڪجهه شيون ذهن ۾ رکندي معياري مواد ٺاهي سگهو ٿا.
ان سان اوهان بلاگ پوسٽس ۽ آرٽيڪل لکي سگهو ٿا، ان جي ذريعي هڪ فري لانس جي طور تي اوهان ڪنهن به ڪمپني، ويب سائيٽ يا بلاگ لاءِ مواد ٺاهي سگهوٿا.
اوهان پنهنجي ويب سائيٽ به ٺاهي سگهو ٿا ۽ ان تي مواد اپ لوڊ ڪري سگهو ٿا.
جيڪڏهن اوهان ڪاپي رائيٽنگ ۽ مارڪيٽنگ جو ڪم ڪندا آهيو ته چيٽ جي پي ٽي جي مدد سان اوهان ان لاءِ مارڪيٽنگ ڪاپي ۽ اشتهار تيار ڪري سگهو ٿا. ان شعبي ۾ اوهان کي سٺي ڪمائي جو موقعو ملندو آهي ۽ مستقبل ۾ به ان ۾ وڌيڪ ترقي جو امڪان آهي.
اڄ ڪلهه گهڻا ماڻهو رڳو سوشل ميڊيا تي رهندي پيسا ڪمائي رهيا آهن، جيڪڏهن اوهان سوشل ميڊيا مئنيجمينٽ ڪندا آهيو ته چيٽ جي پي ٽي سوشل ميڊيا پوسٽس، ڪيپشنز ۽ جواب ڏيڻ ۾ اوهان جي مدد ڪري سگهي ٿو. ان سان اوهان جي پوسٽ جي ريچ ۽ معيار وڌي ويندو ۽ اوهان کي وڌيڪ ڪمائڻ جو موقعو ملندو.
چيٽ جي پي ٽي گهڻو ڪري سوالن جا جواب درست ڏيندو آهي، ان صورت ۾ هي اوهان لاءِ رهنمائي جو ڪم ڪري سگهي ٿو. ان سان اوهان کي هرمضمون جي سوالن جا جواب حاصل ڪرڻ ۾ مدد ملندي. اهڙي صورت ۾ اوهان ان کي ٻارن کي ٽيوشن ڏيڻ لاءِ به استعمال ڪري سگهو ٿا.
اڄ ڪلهه ٻوليين جي ترجمي جو ڪم به مقبول آهي ۽ مختلف ڪاروبارن ۾ ان جي زبردست گهرج به آهي.
گهڻا ماڻهو ترجمي ذريعي پيسا ڪمائي رهيا آهن.
جيڪڏهن اوهان چيٽ جي پي ٽي کي ترجمي لاءِ استعمال ڪندا آهيو ته اوهان جو ڪم سولو ٿي ويندو ۽ پنهنجي پراجيڪٽس کي تيزي سان مڪمل ڪري سگهندا.
خيال رهي ته جيڪڏهن اوهان کي چيٽ جي پي ٽي هلائڻ ۾ ڏکيائي ٿي رهي آهي يا اوهان ان سان چيٽ ڪري گهربل نتيجا حاصل نه پيا ڪري سگهو ته اوهان کي پرمپٽنگ سکڻ گهرجي.
پرمپٽنگ اڄ ڪلهه مقبول آهي ڇو ته آرٽيفيشل انٽيليجنس ترقي ڪري رهي آهي ۽ هر پاسي اي آءِ کي استعمال ڪرڻ لاءِ به مهارت جي ضرورت آهي.
پرمپٽنگ جي سکيا مفت ڏني ويندي آهي ۽ اوهان به آن لائن پرمپٽنگ سکي مهارت حاصل ڪري سگهو ٿا.
