ڪمند جي رَسُ گرمين ۾ ڏينهن لڳڻ کان بچائڻ ۾ فائديمند ۽ بهترين ذائقي واري به هجي ٿي پر ڇا اوهان کي خبر آهي ته ڪمند جي رَسُ خالي پيٽ پيئڻ سان صحت تي حيران ڪندڙ اثر پوندا آهن.
اڄ اسان اوهان کي ڪمند جو جوس خالي پيٽ پيئڻ جا فائدا ٻڌايون ٿا.
توانائيءَ جو ذريعو
ڪمند ۾ وڏي مقدار ۾ گلوڪوز هوندو آهي جنهن سبب نيراني يعني خالي پيٽ ڪمند جي رَسُ نه رڳو موڊ کي خوشگوار ڪري ٿي پر اوهان کي توانائي به فراهم ڪري ٿي.
پاڻي جي کوٽ ختم ڪرڻ ۽ جسم مان زهريلا مادا خارج ڪرڻ لاءِ بهترين
گرميون شروع ٿيندي ئي پگھر نڪرڻ لڳندو آهي جنهن سان جسم ۾ پاڻي ۽ نمڪيات جي کوٽ پيدا ٿي ويندي آهي اها صورتحال هيٽ اسٽروڪ جو سبب ته ڪڏهن بلڊ پريشر جو سبب بڻجي ويندي آهي.
ڪمند جو جوس جسم ۾ پاڻي جي کوٽ کي ختم ڪري ٿو ۽ جسم مان زهريلن مادن کي پري ڪري جسم کي صاف رکي ٿو.
غذائيت جو پاور هائوس
ڪمند جي جوس کي غذائيت جو پاور هائوس به چيو ويندو آهي ڇو جو ان ۾ اي، بي ڪمپليڪس ۽ وٽامن سي سان گڏ منرلز ۽ ڪيلشيم هوندو آهي.
ان کانسواءِ ڪمند جي رَسُ ۾ موجود اينٽي آڪسيڊنٽ قوت مدافعت کي وڌائيندو آهي ان سان ڏند ۽ هڏا به مضبوط ٿيندا آهن وڌيڪ اهو ته اها رس هاضمي جي نظام لاءِ به بهترين آهي.
جلد کي نکاري
ڪمند جي رَسُ ۾ موجود وٽامن ۽ منرلز صحت سان گڏوگڏ جلد کي به خوبصورت بڻائيندا آهن، ڪمند جي استعمال سان جلد جا مسئلا جهڙوڪ داڻا، داغ ۽ رُکي جلد جهڙا مسئلا ختم ٿي ويندا آهن.
