واشنگٽن(ويب ڊيسڪ)آمريڪي صدر ڊونلڊ ٽرمپ سان گڏ وائيٽ هائوس ۾ موجود هڪ ارب پتي واپاريءَ جي گهرواري پنهنجي حرڪتن ۽ چهري جي تاثرن سبب سماجي رابطن وارين ويب سائيٽن تي ڌيان جو مرڪز بڻجي وئي.
مشهور ٽيڪنالاجي ڪمپني ڊيل جي سربراهه مائيڪل ڊيل جي گهرواري سوزن ڊيل 7 آڪٽوبر تي پنهنجي مڙس سان گڏ وائيٽ هائوس جي اوول آفيس پهتي.
سوزن ڊيل اتي ٻارن لاءِ 6 ارب 25 ڪروڙ ڊالرن جي مالي سهائتا واري رٿا جي سلسلي ۾ موجود هئي. ان رقم مان لڳ ڀڳ اڍائي ڪروڙ ٻارن جي سيڙپڪاريءَ وارن کاتن ۾ هر هڪ جي نالي تي 250 ڊالر جمع ڪرايا ويندا.
تقريب جون تصويرون ۽ وڊيوز وائرل ٿيڻ کان پوءِ واهپيدارن سوزن ڊيل جي چهري جي تاثرن، هٿن جي حرڪتن ۽ بيهڻ جي انداز تي دلچسپ تبصرا ڪيا.
ڪجهه واهپيدارن سندس ظاهري شڪل ۾ تبديليءَ بابت به اندازا لڳايا. ڪن جو چوڻ هو ته سوزن انسان بدران ڪو روبوٽ لڳي رهي آهي، جڏهن ته ٻين کيس خلائي مخلوق جهڙي شڪل واري قرار ڏنو.
