آمريڪا ۾ موبائل نيٽ ورڪ ڪمپني ٽي-موبائل طرفان واهپيدارن لاءِ آءِ فون 18 پرو مفت حاصل ڪرڻ جي آڇ متعارف ڪرائي وئي آهي.
رپورٽ موجب آڇ مان فائدو وٺڻ لاءِ واهپيدار کي ”ايڪسپيريئنس بِيانڊ“ منصوبي جي چونڊ ڪرڻي پوندي. نوان صارف پنهنجو موجوده موبائل نمبر ٽي-موبائل تي منتقل ڪري آڇ جا اهل ٿي سگهن ٿا، جڏهن ته هاڻوڪا واهپيدار ڪنهن به حالت ۾ اهل فون ڏيئي نئين آءِ فون 18 پرو حاصل ڪري سگهن ٿا.
آڇ تحت فون جي مڪمل قيمت 36 مهينن جي قسطن واري رعايت ذريعي واپس ڪئي ويندي. ان جو مطلب آهي ته واهپيدار کي ٽن سالن تائين ٽي-موبائل جي لاڳاپيل منصوبي سان لاڳيتو جڙيل رهڻو پوندو، جيئن سموري رعايت حاصل ڪري سگهجي.
بهرحال، فون جي مڪمل قيمت تي مقامي وڪري وارو ٽيڪس اڳواٽ ادا ڪرڻو پوندو، جڏهن ته هر رابطي لاءِ 35 ڊالر اوزار ڳنڍڻ جي فيس پڻ ورتي ويندي.
ياد رهي ته اها آڇ رڳو آمريڪي واهپيدارن لاءِ آهي، جڏهن ته ٻين ملڪن ۾ ان جي فراهمي بابت ڪو اعلان ناهي ڪيو ويو.
