مردان (ويب ڊيسڪ) پاڪ فضائيه جو هڪ تربيتي جهاز معمول جي اُڏام دوران مردان ويجهو حادثي جو شڪار ٿي ويو آهي، جنهن جي نتيجي ۾ ٻه آفيسر شهيد ٿي ويا آهن.
پاڪ فوج جي ترجمان اداري آءِ ايس پي آر موجب، حادثي ۾ شهيد ٿيندڙن ۾ ائير فورس جو فلائيٽ ليفٽيننٽ محمد قاسم عبدالله ۽ پاڪ بحريه جو ليفٽيننٽ طحهٰٰ عباسي شامل آهن.
آءِ ايس پي آر موجب، فيلڊ مارشل عاصم منير، سروسز چيفس ۽ هٿياربند فوج جي آفيسرن ۽ جوانن حادثي تي گهري ڏک ۽ افسوس جو اظهار ڪيو آهي ۽ شهيدن جي وارثن سان تعزيت جو اظهار ڪيو آهي.
