ڪيف (ويب ڊيسڪ) يوڪرائن جي صدر ولاديمير زيلنسڪي چيو آهي ته ايراني ڊرون حملن خلاف دفاع ۾ مدد لاءِ 200 کان وڌيڪ يوڪريني فوجي ماهر وچ اوڀر ۾ مقرر آهن.
برطانوي پارليامينٽ کي خطاب ڪندي زيلنسڪي ٻڌايو ته يوڪريني ٽيمون اڳواٽ ئي گڏيل عرب امارتن، قطر ۽ سعودي عرب ۾ موجود آهن، جڏهن ته وڌيڪ ماهر ڪويت روانا ٿي رهيا آهن.
يوڪريني صدر ان کان اڳ هڪ بيان ۾ انڪشاف ڪيو هو ته آمريڪا سميت 11 ملڪن نار وارن ملڪن تي ڪيل ايراني شاهد ڊرون حملن کي منهن ڏيڻ لاءِ يوڪرين کان مدد طلب ڪئي آهي.
