ڪراچي (ويب ڊيسڪ) عيدالفطر تي شهري ٻارن کي خرچي ڏيڻ لاءِ نوان ڪرنسي نوٽ وٺندا آهن پر ڇا هن ڀيري بينڪن مان نوان نوٽ ملندا؟
نون نوٽن جي عيدي ڏيڻ لاءِ شهري بينڪن مان مختلف ماليت جا نوٽ حاصل ڪندا آهن، ان حوالي سان سوشل ميڊيا تي هڪ نوٽيفڪيشن وائرل ٿي رهيو آهي، جنهن ۾ چيو ويو آهي ته عيدالفطر تي نون ڪرنسي نوٽ نه ملندا.
پر اسٽيٽ بينڪ وائرل نوٽيفڪيشن کي جعلي قرار ڏيندي چيو آهي ته ڪو به تصديقي اعلان هڪ سرڪاري بيان ذريعي ڪيو ويندو، عوام غير تصديقي پيغامن تي ڌيان نه ڏئي.
