ڪولمبو (ويب ڊيسڪ)آءِ سي سي مينز ٽي ٽوئنٽي ورلڊ ڪپ ۾ ڀارت هٿان شرمناڪ شڪست کانپوءِ پاڪستان ڪرڪيٽ ٽيم جي ٽيم مئنيجمينٽ سينيئر رانديگرن طرفان اهم ميچن ۾ ڪارڪردگي نه ڏيکارڻ تي مايوس آهي.
ذريعن موجب، ٽيم مئنيجمينٽ طرفان نميبيا خلاف شيڊيول ميچ لاءِ بابر اعظم ۽ شاهين آفريدي کي نه کيڏائڻ تي غور ڪيو پيو وڃي.
پليئنگ اليون بابت ذريعن جو چوڻ آهي ته نميبيا خلاف ميچ ۾ ٽيم ۾ ٻه کان ٽي تبديليون ڪرڻ جو امڪان آهي ۽ سينيئر رانديگرن جي جاءِ تي بينچ اسٽرينٿ کي موقعو ڏيڻ تي غور ڪيو پيو وڃي .
واضح رهي ته پاڪستان ٽيم ورلڊ ڪپ ۾ آخري گروپ ميچ 18 فيبروري تي نميبيا خلاف کيڏندي ۽ هي ميچ ڊو اينڊ ڊائي جي صورت اختيار ڪري چڪي آهي، ڇو ته پاڪستان کي سپر ايٽ مرحلي تائين ڪواليفاءِ ڪرڻ لاءِ نميبيا کي لازمي طور هارائڻو پوندو.
