اسلام آباد(امتيازگل)ڪالهه 9 نو فيبروري هئي ۽ ٻه سال اڳ هن ڏينهن ڪيترائي انڪشاف ٿيا. اٺ فيبروري تي پي ٽي آءِ مختلف شهرن ۾ احتجاج ڪيا، لاھور ۾ ته ما شاءَ الله ڪافي بسنت ملهائي وئي،9 فيبروري جو ڏينهن ان لحاظ سان اهم آهي ته اهو اهو ڏينهن هو جڏهن سوين ماڻهو کڙا ٿيا، گهڻا سندن پسنديده اميدوار هئا، جيڪي رات پيٽ ۾ هارايا ويا، اها اليڪشن هڪ اهڙي ماحول ۾ ٿي جتي عوام ۾ ڪاوڙ، ڏک ۽ نفرت گهڻي هئي، ۽ شڪست يقيني هئي. پر هڪ لهر عمران خان جي حق ۾ هئي، وڏي تعداد ۾ ووٽ پي ٽي آءِ کي ويا. هن مسئلي جا ٻه سال گذري ويا، ۽ اڃا تائين حل طلب آهي. 60 کان وڌيڪ اليڪشن درخواستون اڃا به اليڪشن ڪميشن يا اليڪشن ٽربيونلز جي فيصلن جو انتظار ڪري رهيون آهن. اسلام آباد جا ٽي تڪ، جن ۾ ڊاڪٽر طارق فضل شامل آهي اهي به حڪمران جماعت هارايا هئا،هڪ وڊيو مطابق، ڪرمنل ۽ منظم انداز ۾ ووٽن ۾ ردوبدل ڪئي ويئ، خاص طور تي ڪراچي ۾ 238، 242 ۽ 236 نمبرن وارن تڪن ۾. فارم 45 جي دستاويزن مطابق، قومي اسيمبلي ۽ صوبائي اسيمبلي جي ووٽن ۾ وڏي تضاد ڏٺو ويو، ڪٿي ڪٿي 90-100 سيڪڙو تائين ووٽ وڌيڪ ظاهر ڪيا ويا.اها عوام لاءِ تعجب جي ڳالهه ناهي ته نتيجا تبديل ڪندڙ اڃا به بي حس آهن، ڪاوڙ اها آهي ته انهن جي ووٽ جي ڳڻپ ئي نه ٿي، ۽ انهن کي شراڪت جو ڪو فائدو نظر نه ٿو اچي.حڪمران چاهين ٿا ته عوام وساري ويهي ۽ گڏجي مستقبل تي ڌيان ڏئي. پر ملڪ ۾ هي صورتحال آهي ته جعلي اليڪشن نتيجن جي بنياد تي نظام نه هلندو آهي، ۽ عوام کان چيو وڃي ٿو ته "چور کي معاف ڪريو ۽ هٿ ملائي مستقبل لاءِ اڳتي وڌو،اڳوڻي ووزيراعظم عمران خان کي 2023 ۾ گرفتار ڪيو ويو، ۽ ڪيترن ئي ڪيسن ۾ ڦاسايو ويو. اليڪشن کان صرف هفتو اڳ کيس توشا خانه ڪيس ۾ سزا ٻڌائي وئي، جنهن سبب هو اليڪشن ۾ حصو وٺڻ لاءِ نااهل ٿي ويو.انهي سسٽم جي ڪري پاڪستان جو سياسي ۽ عدالتي نظام اڃا هڪ عجيب مخمصي ۾ آهي. عدالتون ۽ پوليس سياسي مخالفن خلاف استعمال ٿين ٿيون، ۽ عوام جو اعتماد سياسي ۽ اقتصادي سطحن تي بحال ڪرڻ انتهائي مشڪل آهي.
