اسلام آباد(ع آ نيوز) پي ٽي آءِ هڪ وڏي احتجاج جي تياري شروع ڪري ڇڏي آهي، سهيل آفريدي لاءِ هڪ خاص ڪنٽينر پڻ تيار ڪيو ويو آهي .40 فوٽ ڊگهي ڪنٽينر ۾ هڪ واش روم ۽ باقاعده ويهڻ جي جاءِ ٺاهي وئي آهي، ڪنٽينر تي "آزادي يا موت” جا لفظ نمايان طور تي لکيل آهن. پاڪستان تحريڪ انصاف هڪ وڏي احتجاج جي تياري شروع ڪري ڇڏي آهي.پارٽي ذريعن موجب، احتجاج جي سلسلي ۾ خيبرپختونخواهه جي وڏي وزير سهيل آفريدي لاءِ هڪ خاص ڪنٽينر پڻ تيار ڪيو ويو آهي. ذريعن جو چوڻ آهي ته 40 فوٽ ڊگهي ڪنٽينر ۾ هڪ واش روم ۽ باقاعده ويهڻ جي جاءِ ٺاهي وئي آهي، جڏهن ته ڪنٽينر تي "آزادي يا موت” جا لفظ نمايان طور تي لکيل آهن. ذريعن موجب وڏي وزير سهيل آفريدي احتجاج سان لاڳاپيل حڪمت عملي تي ڪجهه اهم پارٽي اڳواڻن سان ملاقاتون پڻ ڪيون آهن، جنهن ۾ احتجاج جي جڳهه، وقت ۽ عمل جي طريقي تي صلاح مشورا ڪيا ويا آهن. ذريعن جو چوڻ آهي ته پي ٽي آءِ قيادت طرفان احتجاج جي آخري اعلان ۽ تاريخ بابت صلاح مشورا جاري آهن، جڏهن ته پارٽي ڪارڪنن کي ممڪن احتجاج لاءِ تيار رهڻ جي هدايت پڻ ڪئي پئي وڃي.ٻئي طرف، وڏي وزير سهيل آفريدي جي احتجاج لاءِ تيار ڪيل ڪنٽينر جو معائنو ڪندي هڪ وڊيو پڻ منظر عام تي آئي آهي. قومي اسيمبلي جي ميمبر شاهد خٽڪ اهو به چيو آهي ته پشاور ۾ اسان جو ڪنٽينر، جنهن تي ‘آزادي يا موت’ لکيل آهي، تيار آهي، اسان ڪنهن به وقت ان تي ويهون ٿا، سهيل آفريدي ڊرائيونگ سيٽ تي ويهندو.
