برلن (ويب ڊيسڪ) جرمن چانسلر فريڊرش ميرس چيو آهي ته ايراني حڪومت پنهنجي رٽ وڃائي چڪي آهي.
ڊسمبر جي آخر کان ايران ۾ جاري احتجاجي مظاهرن تي جرمن چانسلر چيو ته موجوده ايراني قيادت پنهنجي انجام جي ويجهو پهچي چڪي آهي.
هن چيو ته جيڪڏهن ڪا حڪومت رڳو تشدد ذريعي اقتدار ۾ رهڻ جي ڪوشش ۾ آهي ته اها عملي طور ختم ٿي چڪي آهي، منهنجو يقين آهي ته اسان شايد هن حڪومت جي آخري هفتن يا ڏينهن جو مشاهدو ڪري رهيا آهيون.
