نيو يارڪ (ويب ڊيسڪ) گڏيل قومن جي سلامتي ڪائونسل سومر ڏينهن هنگامي اجلاس گهرائي ورتو، جنهن ۾ وينزويلا ۾ آمريڪا جي فوجي ڪارروائي تي وڌندڙ عالمي ڳڻتي ۽ عالمي نظام کي پيش امڪاني خطرن تي غور ڪيو ويندو.
گڏيل قومن جي سيڪريٽري جنرل انتونتو گوتريس خبردار ڪيو آهي ته وينزويلا ۾ تازي اڳڀرائي عالمي قانونن لاءِ هڪ خطرناڪ مثال بڻجي سگهي ٿي.
سندس ترجمان موجب سيڪريٽري جنرل کي ڳڻتي آهي ته آمريڪا جي ڪارروائي سان خطي ۾ عدم استحڪام پيدا ٿي سگهي ٿو ۽ گڏيل قومن جي چارٽر جي اصولن جي ڀڃڪڙي ٿي آهي.
اهو اجلاس ڪولمبيا جي درخواست تي گهرايو ويو آهي، جنهن جي چين ۽ روس حمايت ڪئي آهي، جڏهن ته وينزويلا به باضابطا طور سلامتي ڪائونسل سان رابطو ڪيو آهي.
