سورج مکيءَ جا ٻج غذائيت سان ڀرپور هوندا آهن، جيڪي وٽامنز، معدنيات ۽ صحتمند سڻڀ جو بهترين ذريعو آهي.
انهن ۾ خاص طور وٽامن اِي جو مقدار وڌيڪ هوندو آهي، جيڪا اسان جي خلين کي فري ريڊيڪلز سان ٿيندڙ نقصان کان بچائيندي آهي.
اچو ته ڄاڻون سورج مکيءَ جا ٻج کائڻ سان ڪهڙا فائدا ٿين ٿا:
دل جي صحت: سورج مکيءَ جا ٻج مونو ۽ پولي انسچوريٽڊ سڻڀ سان ڀرپور هوندا آهن، جيڪي ڪوليسٽرول ۽ دل جي بيمارين جي خطري کي گهٽ ڪرڻ ۾ مدد ڏيندا آهن.
دماغي ڪارڪردگي: وٽامن اِي دماغي خلين کي تحفظ ڏيندي آهي ۽ يادداشت ۽ ڌيان ڏيڻ جي صلاحيت وڌندي آهي، اوميگا ٿري فيٽس دماغي واڌ ويجهه ۽ ڪارڪردگي لاءِ اهم آهن.
جلد جي صحت: وٽامن اِي فري ريڊيڪلز سان وڙهي جلد کي صحتمند ۽ جوان رکندي آهي، جڏهن ته اينٽي آڪسيڊنٽس شعاعن جي نقصان کان بچائيندا آهن.
آنڊن جي صحت: سورج مکي جي ٻجن ۾ فائبر جو وڏو مقدار هاضمي کي بهتر بڻائيندو آهي، قبضي گهٽائيندو آهي ۽ فائديمند بيڪٽيريا جي واڌ ويجهه کي هٿي ڏيندو آهي.
هڏن جي مضبوطي: ميگنيشيم، ڪيلشيم ۽ ڪاپر هڏن کي مضبوط بڻائيندا آهن، جڏهن ته فائٽوسٽيرولز سوڄ گهٽ ڪري هڏن جي صحت کي بهتر بڻائيندا آهن.
مدافعتي نظام جي مضبوطي: سورج مکي جا ٻج وٽامنز، معدنيات ۽ اينٽي آڪسيڊنٽس سان ڀرپور هوندا آهن، جيڪي جسم جي مدافعتي نظام کي سپورٽ ڪندا آهن، خاص طور تي وٽامن اي، سيلينيم ۽ زنڪ مدافعتي خيلن کي مضبوط بڻائڻ ۾ مدد ڏيندا آهن ۽ جراثيمن خلاف جسم جو دفاع بهتر ڪندا آهن.
