لاهور (ويب ڊيسڪ) من موهڻي اداڪارا سجل علي، ساٿي اداڪار حمزا سهيل سان شادي بابت افواهن تي خاموشي ٽوڙي ڇڏي.
سوشل ميڊيا تي سجل علي ۽ حمزا سهيل جي شادي جون خبرون گردش ڪري رهيون هيون، جنهن ۾ دعويٰ ڪئي پئي وڃي ته ٻئي اداڪار 2026ع ۾ شاديءَ جي ٻنڌڻ ۾ ٻڌجي ويندا.
اداڪارا انسٽاگرام اسٽوري ذريعي مداحن کي آگاهه ڪيو ته هو غير تصديق ٿيل دعوائن تي ڌيان نه ڏين.
سجل علي پنهنجي اسٽوري ۾ لکيو ته ”مداح پرسڪون رهن، جيڪڏهن منهنجي زندگيءَ بابت ڪا به خبر آئي ته مان پاڻ سڌي ريت توهان سان شيئر ڪنديس.“
واضح رهي ته سجل علي جي 2020 ۾ اداڪار احد رضا مير سان شادي ٿي هئي، پر بدقسمتيءَ سان اها شادي ٻن سالن کان وڌيڪ قائم نه رهي سگهي.
