تل ابيب (ويب ڊيسڪ) اسرائيلي بچاءَ واري وزير اسرائيل ڪاٽز غزا ڪڏهن نه ڇڏڻ جو اعلان ڪري ڇڏيو.
پرڏيهي ميڊيا موجب والاريل اولهه ڪناري ۾ تقريب کي خطاب ڪندي اسرائيل ڪاٽز چيو ته اسان غزا جي اندر تائين موجود آهيون، ڪڏهن غزا نه ڇڏينداسين، اسان غزا ۾ دفاع لاءِ آهيون ته جيئن جيڪو ڪجهه ٿيو اهو ٻيهر نه ٿئي.
هن چيو ته اسرائيل جي دفاع لاءِ پنهنجي قوت تي اعتماد رکون ٿا، مناسب وقت تي اتر غزا ۾ به شهري ۽ فوجي يونٽ تعمير ڪنداسين.
سندس چوڻ هو ته اسان وزير آهيون، اسان کي اهي قدم سرڪاري طور لاڳو ڪرڻا آهن، پنهنجي دفاع لاءِ ڪنهن ٻئي تي يقين نٿا ڪري سگهون.
