ڪراچي (ويب ڊيسڪ) اي چالان جي ڳري ڏنڊ کان پريشان ڪراچي جي شهرين لاءِ سٺي خبر اچي وئي.
گهرو وزير ضياءُ الحسن لنجار اي چالان جي ڏنڊ ۾ گهٽتائي جو اشارو ڏئي ڇڏيو.
هن سينٽرل پوليس آفيس ۾ صحافين سان غير رسمي گفتگو ڪندي چيو ته اپوزيشن ميمبرن کي به هڪ هفتي ۾ تجويزون ڏيڻ جو چيو آهي.
سندس چوڻ هو ته ٽريفڪ قانونن جي سنگين ڀڃڪڙي تي رعايت نه ڏيڻ جو فيصلو اصولي آهي، ٽريفڪ سنگل ۽ ون وي جي ڀڃڪڙي تي معافي ناهي پر ٻين ڀڃڪڙين تي نرمي ڪنداسين.
صوبائي وزير چيو ته موٽر سائيڪل ۽ ڪار سوارن کي رعايت ملندي پر ون وي جي ڀڃڪڙي تي لاڳو ڏنڊ برقرار رهندو.
