رانچي (ويب ڊيسڪ) ڀارتي ڪرڪيٽ ٽيم جي اڳوڻي ڪپتان روهت شرما ون ڊي ڪرڪيٽ ۾ 352 ڇڪا هڻي اڳوڻي پاڪستاني بيٽر شاهد آفريدي جو رڪارڊ ٽوڙي ڇڏيو.
ڏکڻ آفريقا خلاف رانچي ۾ کيڏيل پهرين ون ڊي ميچ ۾ روهت شرما 57 رنسن جي اننگز کيڏي، جنهن ۾ 3 ڇڪا به شامل هئا.
3 ڇڪن کانپوءِ روهت شرما جو ون ڊي فارميٽ ۾ ڇڪن جو انگ 352 ٿي ويو، جيڪي هن 269 اننگز ۾ هنيا آهن.
ان کان اڳ اهو رڪارڊ پاڪستان جي شاهد آفريدي وٽ هو، جنهن 369 اننگز ۾ 351 ڇڪا هنيا هئا.
ان فهرست ۾ ٽئين نمبر تي ويسٽ انڊيز جو ڪرس گيل آهي، جنهن 294 اننگز ۾ 331 ڇڪا هنيا آهن.
