ممبئي(ويب ڊيسڪ) بالي ووڊ اداڪارا ڪاجول والدين ۽ ٻارن وچ ۾ بحث کي اهم ۽ ساراهڻ جوڳو قرار ڏيندي چيو آهي ته بحث رشتن کي ڪمزور نه پر مضبوط بڻائي ٿو.
پرڏيهي خابرو اداري موجب، هڪ تقريب دوران والدين ۽ ٻارن وچ ۾ بحث بابت پڇيل سوال تي جواب ڏيندي ڪاجول چيو ته والدين ۽ ٻارن وچ ۾ ٿيندڙ بحث رشتن کي ڪمزور نه پر مضبوط بڻائي ٿو.
هن چيو ته شڪر آهي هو هن وقت سندس ڌيءُ هتي موجود ناهي نه ته اِهو سوال به سندس ڌيءُ سان بحث جو ڪارڻ بڻجي ها، سچ پڇيو ته والدين ۽ ٻارن وچ ۾ بحث ٿيڻ نهايت ضروري آهي.
ڪاجول چيو ته جڏهن ٻار دليل سان والدين سان اختلاف ڪن ٿا ته اهو ان ڳالهه جو ثبوت آهي ته کين پاڻ سوچڻ جي آزادي ۽ اعتماد مليو آهي.
اداڪارا موجب، هوءَ عمل کي والدين جي تربيت ۾ ڪاميابي ۽ ساراهڻ جوڳو قدم قدم سمجهي ٿي ۽ هوءِ پاڻ به ننڍپڻ ۾ پنهنجي ماءُ تنوجا سان گهڻو بحث ڪندي رهي آهي.
هن چيو ته ٻارن ۾ دليل ڏيڻ جي عادت اهو ثابت ڪري ٿي ته هو پاڻمرادو معاملا سمجهڻ ۽ سوچڻ جي صلاحيت اختيار ڪري رهيا آهن.
ياد رهي ته ڪاجول ۽ اجئه ديوگن جي شاديءَ کي 26 سال ٿي چڪا آهن، جوڙي کي ٻن ٻارن جو اولاد آهي.
