اسلام آباد(ويب ڊيسڪ) نائب وزيراعظم ۽ پرڏيهي وزير اسحاق ڊار چيو آهي ته افغانستان جي دوري دوران افغان پرڏيهي وزير امير متقي چيو هو ته هن پابندي مڙهيل تنظيم تحريڪِ طالبان پاڪستان( ٽي ٽي پي ) جي ڪجهه ماڻهن کي گرفتار ڪيو آهي پر کيس واضح ڪيو ته ڪجهه سئو ماڻهن جي گرفتاري ڪافي ناهي.
اسلام آباد ۾ پريس ڪانفرنس ڪندي اسحاق ڊار جو چوڻ هو ته ماسڪو، بحرين ۽ برسلز جا دورا ڪيا، ماسڪو ۾ ايس سي او سربراهي ڪانفرنس ۾ پاڪستان جي نمائندگي ڪئي، ماسڪو اجلاس ۾ پاڪستان جي معاشي ترجيحن تي روشني وڌي، پاڪستان جو علائقائي رابطن، توانائي جي شعبي ۾ سهڪار بابت موقف پيش ڪيو، صدر پيوٽن ماسڪو ۾ ايس سي او سربراهي اجلاس ۾ شامل وفدن جي سربراهن سان ملاقات ڪئي.
هن چيو ته يورپي يونين جي صدر سان به ملاقات خوشگوار رهي، برسلز ۾ پاڪستان ۽ يورپي يونين وچ ۾ اسٽريٽجڪ ڊائيلاگ ۾ شرڪت ڪئي جنهن ۾ والاريل ڪشمير، سنڌ طاس معاهدي، افغانستان، دهشتگردي ۽ جي ايس پي پلس سميت مختلف معاملن تي ڳالهه ٻولهه ٿي.
سندس چو هوته يورپي يونين جي 27 ملڪن کي پاڪستان ۽ افغانستان جي حوالي سان آگاهي ڏني،کين ٻڌايو ته جيڪي خبرون هنن تائين پهتيون آهن اُهي درست ناهن، يورپي يونين کي انهن حقيقتن کان آگاهه ڪيو جنهن کي هنن تسليم ڪيو، يورپي يونين کي ٻڌايو ته افغانستان دهشتگردي جي خاتمي بابت پنهنجا واعدا پورا ناهن ڪيا، افغانستان جي دوري دوران افغان پرڏيهي وزير امير متقي چيو هو ته هن پابندي مڙهيل تنظيم تحريڪِ طالبان پاڪستان( ٽي ٽي پي ) جي ڪجهه ماڻهن کي گرفتار ڪيو آهي پر کيس واضح ڪيو ته ڪجهه سئو ماڻهن جي گرفتاري ڪافي ناهي، اسان ته چاهيون ٿا ته افغان سرزمين اسان جي خلاف استعمال نه ٿئي، امن ئي واحد رستو آهي.
پرڏيهي وزير جو چوڻ هو ته پاڪستان افغانستان کي چيو ٽي ٽي پي کي پاڪ-افغان سرحد کان پري وٺي وڃو، ٻئي اِئين ٿي سگهي ٿو ته ٽي ٽي پي کي اسان جي حوالي ڪيو، کين چيو ته افغانستان پنهنجي سرزمين پاڪستان ۾ دهشتگردي جي استعمال کان روڪي.
هن وڌيڪ چيو ته پنهنجي ڪابل جي دوري کانپوءِ افغانستان سان جيڪي واعدا ڪيا پاڪستان پورا ڪيا، پاڪستان سٺي نيع تي ٻڌل قدم کنيا جنهن کي افغانستان به مڃيو پر افغانستان طرفان دهشتگردي بابت ڪيل واعدا نه پاڙيا ويا ۽ صورتحال وڌيڪ بگڙي وئي.
