فرانسيسي ڪمانڊر ڪيپٽن يوڪ لوني تصديق ڪئي آهي ته مئي ۾ پاڪستان ۽ ڀارت وچ ۾ ٿيندڙ فضائي جهڙپ ۾ ڀارتي رافيل جهاز مشين جي خرابي سبب نه پر پائلٽس جي صلاحيت ۾ کوٽ سبب تباهه ٿيا.
ڪيپٽن لوني جيڪو گذريل 25 سالن کان رافيل جهاز اڏائي رهيو آهي ۽ وچ اوڀر، آفريقا ۽ يورپ ۾ اهم مشنز انجام ڏئي چڪو آهي، چيو ته پاڪستاني فضائيا پنهنجي مضبوط دفاع ۽ اثرائتي حڪمت عملي سبب صورتحال کي بهترين انداز ۾ سنڀاليو، مئي جي رات ۾ ويڙهه ۾ شامل 140 کان وڌيڪ ويڙهاڪ جهازن باوجود پاڪستان ڀارت جي ڀيٽ ۾ گهڻي بهتر ڪارڪردگي ڏيکاري.
هن واضح ڪيو ته رافيل جي ريڊار سسٽم يا ٽيڪنيڪي صلاحيتن ۾ ڪا کوٽ نه هئي پر سڀ ڪجهه ان جي استعمال جي طريقي ڪار تي هو، حقيقي ڪاميابي پاڪستان جي فضائي قوت ۽ حڪمت عملي جي آهي.
ڪيپٽن لوني عالمي سطح تي پاڪستاني فضائي صلاحيتن جي تعريف ڪندي چيو ته اها جنگ هڪ ناياب موقعو هئي، جنهن ۾ پائلٽس، ويڙهاڪ جهازن ۽ ايئر ٽو ايئر ميزائلن جي حقيقي جنگي ڪارڪردگي جو جائزو ورتو ويو، ان جنگي تجزيي سان مستقبل جي ملٽري اسٽريٽجي بهتر بڻائڻ لاءِ اهم سبق حاصل ٿي سگهن ٿا.
