ڪراچي (ويب ڊيسڪ) سنڌ هاءِ ڪورٽ ٽريفڪ قانونن جي ڀڃڪڙين تي اي چالان خلاف درخواست تي ڌرين کي نوٽيس جاري ڪندي 25 نومبر تائين جواب طلب ڪري ورتو.
درخواست ۾ چيو ويو آهي ته ٽريفڪ قانونن جي ڀڃڪڙي تي لاڳو ڏنڊ وڌيڪ ۽ غير منصفاڻا آهن، ٻين حصن ۾ جنهن ڀڃڪڙي تي ڏنڊ 200 رپيا آهي، ڪراچي ۾ 5 هزار رپيا آهي.
عدالت ۾ داخل درخواست ۾ چيو ويو آهي ته ٽريفڪ قانونن جا سڌارا صوبي جي ٻين وڏن شهرن ۾ لاڳو ناهن ڪيا ويا، هدايت ڏني وڃي ته لاڳاپيل اختياريون عدالت کي مطمئن ڪن ۽ لاڳو ڪيل ڏنڊ فوري طور معطل ڪيا وڃن.
درخواست ۾ چيف سيڪريٽري، آءِ جي سنڌ، ڊي آءِ جي ٽريفڪ، ڊائريڪٽر جنرل ايڪسائز اينڊ ٽيڪسيشن ۽ ڊائريڪٽر جنرل نادرا کي ڌر بڻايو ويو آهي.
عدالت درخواست تي ڌرين کي نوٽيس جاري ڪندي 25 نومبر تائين جواب طلب ڪري ورتو.
