اسلام آباد (ويب ڊيسڪ) وفاقي تعليمي بورڊ پراڻو نصاب ختم ڪندي نئون گڏيل نصاب 2024 لاڳو ڪري ڇڏيو.
وفاقي تعليمي بورڊ جي نوٽيفڪيشن موجب ميٽرڪ ۽ انٽرميڊئيٽ جي شاگردن لاءِ نئون نصاب فوري طور لاڳو ٿيندو، نئون نصاف بورڊ جي فيڊرل ويب سائيٽ تان حاصل ڪري سگهجي ٿو.
نوٽيفڪيشن ۾ چيو ويو ته نئون نصاب جديد گهرجن موجب تيار ڪيو ويو آهي، جنهن سان شاگردن جي علمي ۽ ذهني صلاحيتن ۾ واڌ ٿيندي.
ان کانسواءِ سڀني تعليمي ادارن کي هدايت ڪئي وئي آهي ته نئون نصاب فيڊرل بورڊ سان جڙيل سڄي ملڪ جي تعليمي ادارن ۾ لاڳو هوندو، سمورا لاڳاپيل اسڪول ۽ ڪاليج فوري طور عمل ڪن.
