پي ٽي اي اسلام آباد (ويب ڊيسڪ) پاڪستان ٽيلي ڪميونيڪيشن اٿارٽي( پي ٽي اي) واءِ فاءِ سيون لاءِ 6 گيگا هرٽز بينڊ جي منظوري ڏئي ڇڏي.
پاڪستان ٽيلي ڪميونيڪيشن اٿارٽي ايندڙ سڀني واءِ فاءِ جنريشنز لاءِ 6 گيگا هرٽز بينڊ ۾ استعمال جي منظوري ڏني آهي.
پي ٽي اي موجب، پاڪستان ايشيا جي شروعاتي ملڪن ۾ شامل ٿي ويو آهي، جيڪي ان جديد ٽيڪنالاجي کي اختيار ڪري رهيا آهن.
پي ٽي اي موجب، واءِ فاءِ سيون تيز ترين ڊيٽا ريٽس، انتهائي گهٽ ليٽنسي ۽ بهتر ڪارڪردگي مهيا ڪري ٿو، هيءَ ٽيڪنالاجي گهرن، ننڍن ڪاروبارن ۽ تعليمي ادارن ۾ تيز تر ڪنيڪٽوٽي کي يقيني بڻائي ٿي، جڏهن ته صحت وارن مرڪزن ۽ سمارٽ سٽي منصوبن لاءِ به تيز تر ڪنيڪٽوٽي فراهم ڪري ٿي.
