ٽرمپ جي بيان ۾ جتي آمريڪا ۽ پاڪستان جي گڏجي ڪم ڪرڻ جو ذڪر ڪيو ويو آهي ، اتي سندس طنزيا جملي "ڪير ڄاڻي، شايد هڪ ڏينهن پاڪستان انڊيا کي تيل وڪڻي!” نئين سفارتي تڪرار جي صورت اختيار ڪري ورتي آهي.
ڀارتي اڳوڻي پرڏيهي سيڪريٽري ڪنول سبل هن بيان کي سخت تنقيد جو نشانو بڻائيندي چيو ته "امريڪا ٻين ملڪن جي تڪليفن تي پنهنجو فائدو حاصل ڪرڻ چاهي ٿو” ۽ هن ان جملي کي انڊيا جي لاءِ هڪ توهين قرار ڏنو.
ڀارتي صحافي ۽ تجزيا نگار اهڙي بيان کي ٽرمپ جي مخصوص انداز جي سياست قرار ڏين ٿا، جنهن ۾ هو اهڙن بيانن سان مخالف ڌرين تي دٻاءُ وڌو وڃي ٿو. پر ساڳي وقت ڪجهه تجزئي نگار ائين به چئي رهيا آهن ته ٽرمپ جو هي بيان حقيقت ۾ انڊيا لاءِ هڪ پيغام آهي، خاص طور تي واپاري معاهدن ۽ ٽيڪس پاليسين بابت تڪرارن جي پسمنظر ۾.
پاڪستاني سوشل ميڊيا تي به هن بيان تي گڏيل سڏيل ردِعمل ڏٺو ويو. ڪجهه ماڻهن هن کي مزاح جو رنگ ڏنو ته ڪجهه ان کي پاڪستان جي وسيلن جي عالمي قبوليت طور ڏٺو.
ڀارت جي ڪاوڙ ڏيکاري ٿي ته ٽرمپ جو هڪ غير رسمي جملو به هڪ وڏي سياسي ۽ سفارتي بحث جو سبب بڻجي سگهي ٿو، خاص طور تي جڏهن ڳالهه وسيلن، اسٽريٽجڪ پارٽنرشپس، ۽ خطي جي پاور ڊائنامڪس جي هجي.
