لاهور (ويب ڊيسڪ) شهنشاهِه غزل مهدي حسن جي کي مداحن کان وڇڙئي اڄ 13 ورهيه وهامي ويا آهن، پر سندس ڳايل غزلن ۽ گيتن جي تازگي اڄ به ڪروڙين دلين مهڪي رهي آهي.
سُرن جي سلطان مهدي حسن جولاءِ 1927ع ۾ ڀارتي رياست راجسٿان ۾ جنم ورتو.
مهدي حسن 1957ع ۾ ريڊيو پاڪستان ڪراچي تان باظابطا گلوڪاري جو سفر شروع ڪيو ۽ راڳ جي دنيا ۾ وڏو نالو ڪمايو.
هن پنهنجي فني سفر دوران 25 هزار کان وڌيڪ فلمي گيت ۽ غزل ڳايا
مهدي حسن کي پاڪستان حڪومت طرفان تمغه حسن ڪارڪردگي ۽ هلال امتياز جهڙن اعليٰ اعزازن سان نوازيو ويو .
راڳ جو هي راڻو ڊگهي علالت کانپوءِ 13 جون 2012ع تي ڪراچي ۾ لاڏاڻو ڪري ويو، پر سندس ڳايل غزل ۽ سر اڄ به مداحن جي دلين ۾ زنده آهن.
