دادو (ويب ڊيسڪ) دادو پوليس منشيات فروشن خلاف وڏي ڪارروائي ڪندي ست منشيات ڊيلر گرفتار ڪرڻ جي دعويٰ ڪئي آهي.
پوليس موجب، دوداڻي موري، نجم ڪالوني، پنج مور ۽ مرکپور سميت مختلف علائقن ۾ ڇاپا هنيا ويا، جن دوران منشيات جي وڪري ۾ ملوث ماڻهن کي گرفتار ڪيو ويو.
گرفتار ٿيندڙ جوابدارن ۾ علي رضا ڀنڊ، امجد، محمد صادق، نعيم، ذيشان سومرو، عبدالجبار سيال ۽ ساجد ڀنڊ شامل آهن.
پوليس جو چوڻ آهي ته گرفتار جوابدارن خلاف منشيات ايڪٽ تحت ڪيس داخل ڪيا ويا آهن ۽ وڌيڪ جاچ جاري آهي.
پوليس جو اهو به چوڻ هو ته منشيات جي روڪٿام لاءِ اهڙيون ڪارروايون مستقبل ۾ به جاري رهنديون.
