عالمي رسالي خبردار ڪيو آهي ته سنڌ طاس معاهدي جي معطلي ڀارت کي مهانگي پئجي سگهي ٿي.
عالمي رسالي دي ڊپلوميٽ چيو آهي ته ڀارت جو سنڌ طاس معاهدو هڪ طرفي طور معطل ڪرڻ جو قدم چين کي براهماپترا جو پاڻي روڪڻ تي مجبور ڪري سگهي ٿو.
رپورٽ موجب براهماپترا درياهه جو پاڻي ڀارت جي تازي پاڻي جو تقريبن 30 سيڪڙو ٺهي ٿو، ان کانسواءِ ان درياهه مان ايندڙ پاڻي ڀارت جي مجموعي پن بجلي پيدا ڪرڻ جي صلاحيت جو 44 سيڪڙو ٿئي ٿو.
دي ڊپلوميٽ جي رپورٽ موجب چين براهماپترا تي وڏا ڊيم تعمير ڪري رهيو آهي.
