اسلام آباد (ويب ڊيسڪ) پاڪستان چين کي ڏاچي جي کير جي پائونڊر جي پهرين کيپ برآمد ڪري نئين واپار جو دڳ کولي ڇڏيو.
ان حوالي سان ٿيندڙ تقريب ۾ وفاقي وزير راڻا تنوير حسين خاص مهمان طور شريڪ ٿيو.
راڻا تنوير حسين چيو ته پاڪستان جي ڊيري شين کي عالمي مارڪيٽن ۾ نوان رستا ملي رهيا آهن، ڏاچي جي کير جي پائوڊر جي برآمد سان ملڪي معيشت ۾ واڌ ٿيندي.
هن چيو ته پاڪستاني ڪمپني ”اي ايل سي بائيو ٽيڪنالاجي“ چين جي ٻن وڏين ڪمپنين سان برآمدي معاهدا به طئي ڪري ورتا آهن، اهي معاهدا ٻنهي ملڪن وچ ۾ زرعي ۽ واپاري سهڪار کي وڌيڪ مضبوط بڻائيندا.
