تهران (ويب ڊيسڪ) سعودي عرب جي بچاءَ واري وزير شهزادي خالد بن سلمان خميس ڏينهن تهران ۾ ايران جي سپريم ليڊر آيت الله علي خامنه اي سان ملاقات ڪئي.
پرڏيهي ميڊيا موجب شهزادي خالد، شاهه سلمان جو خط پهچايو ۽ ملڪي قيادت طرفان نيڪ خواهشن جو اظهار ڪيو.
شهزادي خالد ايڪس تي لکيو ته ملاقات ۾ سعودي عرب ۽ ايران وچ ۾ لاڳاپن ۽ گڏيل دلچسپي جي معاملن تي گفتگو ٿي.
واضح رهي ته سعودي عرب جو بچاءَ وارو وزير اعليٰ قيادت جي هدايت تي سرڪاري دوري تي تهران پهتو هو.
